Och dëst Joer war d’AMAL erëm mat engem flotten Stand op dem Autojumble, den vum 22. bis zum 23. Mäerz vun der Lëtzebuerger Oldtimer Federatioun an der Luxexpo organiséiert ginn ass, vertrueden. Als eenzegen Veräin zu Lëtzebuerg, den sämtlech Zorten vun Oldtimer-Motorrieder ënnert een Hutt bréngt ass et selbstverständlech, dass mir un dësem Spigelbild vun der Lëtzebuerger Oldtimer-Scene deelhuelen.
Op ronn 70 Quadratmeter haten mir 15 Motorrieder (an eng Gaardenfräs) ausgestallt, mat Baujoer vun 1907 bis 1999, vun der Schnaps Glas-Klass iwwer Enduromaschinnen bis hin zu Supersport Modeller. Iwwert déi ganz zwee Deeg war eisen Stand dann och gutt besicht an et huet een ëmmer erëm Sätz wie ‚esou eng hat ech och‘ oder ‚mäin Papp hat déi selwecht‘ héieren. Schéin ze gesinn war och, dass d’Motorrieder sech nach ëmmer enger grousser Beléiftheet erfreeën an dëst och esouguer bei deenen mei jonken Semester.
Eisen Stand um Autojumble kann een sou mat erëm als Erfolleg bezeechnen an et sinn och schonn déi éischt nei Membersufroen eran komm.
D’AMAL seet all deenen merci, déi eis eng oder mei Maschinnen zur Verfügung gestallt hunn an och ganz besonnesch all deenen, déi iwwert déi zwee Deeg eng Hand mat ugepaakt hunn.
Eng Galerie mat Biller vum Weekend fannt Dir hei ënnendrënner…
